美國樓市正降溫，有業主打算將舊樓蝕讓，然後透過講價，希望以「筍盤價」買入一層新樓，以為除笨有精，但這條「好橋」遭網民大潑冷水。
在《MSN》討論區，網友19bud74說，他4年前以17.5萬美元（約136萬港元）買入一層樓，若計入裝修費，總成本逾19萬美元。他打算以17萬美元將舊屋蝕讓（損失逾2萬美元），然後與發展商講價，希望以26萬美元購入一層標價29.5萬美元的新樓（節省3.5萬美元），表面上仍賺了1.5萬美元差價。
不如等層樓升值
網友Phil5185說：「應等層舊樓升到25萬美元才放售，咁樣就可以賺6萬美元。如果以26萬美元買咗嗰層新樓，一個唔好彩，樓價跌到23萬美元，咁就揼心揼肺！」
網民investor-bob稱：「除非發展商急於散貨，否則唔會咁『順攤』將層29萬幾美元嘅單位以26萬美元賣畀你。」另一網友ARCHIEtheDRAGON亦有同感，話如果發展商肯平市價3萬美元賣樓，內裏肯定有文章。
不過，19bud74說，新樓的按揭供款比舊樓每月多875美元。網友judyfishjeek稱：「若果每月將875美元用來做穩陣嘅投資，可能賺得更多。」