年輕人常渴望獨立，搬出來住無拘無束，生活逍遙，故除了租樓，不少人傾向買樓，一嚐做業主滋味。然而，買樓乃人生大事，年輕人入世未深，總會心大心細，難下決定。
網友catcat218月入約2.2萬元，加上父母畀首期，遂萌起置業念頭，在she.com就提出，「23歲咁早買樓好唔好？」
網友P仔如此回應，「負擔得起whynot？唔通等到40歲才供樓？到時你仲多考慮，例如有咗家庭，或者工作唔穩定等。後生時就算樓價跌，又或者唔好彩俾人炒咗，你仲有大把時間翻身，再賺番啲錢，但年紀愈大，呢方面嘅復原能力就愈低。」網友tea贊同，「如果供20年，咁40幾歲前就供完。唔似我，人到中年，層樓供到三分一，但係又想轉工，偏偏有樓在身，唔敢去試其他工作。」
另一位後生仔網友dtkk，更以過來人身份，分享買樓賣樓經驗。他3年前買樓，當時只有23歲，最近賣出賺了40幾萬，覺得買樓是好投資。但他補充，「最好有份穩定工作才好買樓，而且專揀成交活躍的屋苑，因為將來放盤，容易有承接。仲有千祈唔好信地產，要自己做功課。」
早供完Vs好困身
在25個回應中，普遍以支持居多，反對佔少數，網友太子是其一，他說，「太早買樓會好困身，20幾30歲係人生黃金時間，但就為咗供樓而工作。賺就好哋哋，蝕嘅時侯要甩身唔易，仲要一味畀錢供，我比較保守，30歲前唔會買樓。」
另外，小炒家屬中立，建議有足夠金錢及入息，可買近地鐵二手樓，月供少於1萬，惟新樓訂價過高，切勿以身試樓。