娛樂圈開心果沈殿霞忽然入住深切治療部，令她的圈中好友十分驚訝，張玉珊昨日與鍾麗淇到藍田出席「愛心起義」探訪活動時，透露欣宜本有份參與是次活動，但因肥姐入院缺席。張玉珊說：「欣宜同肥姐相依為命，肥姐入院對欣宜打擊好大，不過佢好堅強，其實佢都知發生緊乜嘢事，𠵱家心情都好平靜。」
會否擔心欣宜因心情差亂吃東西？張玉珊說：「佢𠵱家嘅生活習慣好好，成個小營養師咁，唔使擔心。」
「前幾日仲好精神」
至於張耀榮前晚在張信哲個唱慶功宴上得悉肥姐入院後，驚訝地說：「冇嘢嘛？我同佢住樓上樓下，幾日前先見過，唔好嚇我，前幾日我見佢仲好精神，我大前日又見到欣宜，佢都冇嘢，仲話阿媽喺樓上。」
此外，劉培基昨日在廣州為其運動服飾店主持開幕儀式，談到好友肥姐入院，他表現得十分愕然，說：「我會打電話畀欣宜問吓，聽到個心好唔舒服。」
採訪：駱華齡 攝影：陳俊強