前排睇過幾篇關於球員訓練嘅報道，講到職業球員要準時出席每次訓練、飲食要有節制（連汽水都唔飲得），在公眾地方行為要檢點……規條多多，但我就唔覺得苛刻！
叫得做職業球員，尤其係出名嗰班，閒閒哋支成幾十萬港幣周薪，梗係有要求，唔通畀你日日吃喝玩樂咩？
訓練艱苦理所當然
我求學期間參加舞蹈學會，一星期起碼要練5日，拉筋跑步轉圈做完又做。放幾日長假無練，之後練番，即有「唔夠氣」嘅感覺。
相對於跳舞，踢足球理應對體能、意志力同紀律要求更高。踢場波，起碼要45分鐘唔停走動，所以一個職業足球員平時嘅訓練，理應比我哋跳舞更加艱苦。
球員打響名堂後，金錢美女等好處自然湧埋嚟。如果球會唔對班球員嚴加看管，佢哋疏於練習，只會終日貪圖玩樂，典型例子有前車仔球員梅度變咗「毒王」；而「大哨」亦掛住食同拍拖，結果變「肥哨」，所以職業球員係唔「縱」得！
WENDY
由歐國盃EuroBabes，變身球彩台受歡迎主持。