純情港男無語問蒼天，走入互聯網高聲一呼：「我高攀唔起港女。」
男主角是來自「理想空間」的網民et009，他在討論區留言說：「噚晚約咗個女仔出街，佢叫我8點喺佢屋企樓下等佢，咁我8點去到佢屋企樓下見無人，咪打電話睇下佢落得嚟未，點知佢話佢set緊頭，叫我等多佢10分鐘。」
等set頭等補妝
et009續說：「咁妳女仔貪靚我都唔介意等你嗰10分鐘，點知等到佢8點幾都唔見人，咪再打個電話問吓佢得未，點知佢又話佢個妝唔得要補妝，叫我再等多佢10分鐘，咁我叫佢唔使急慢慢來，我實會等你。咁我見有時間咪去附近7仔買支嘢飲解下渴，點知返嚟佢已經喺樓下，重一句「車」埋嚟，話佢一個女仔戇居居企喺度等咗我半粒鐘。」
後來他與港女及其好友一起唱K，其間：「佢班friend點咗首《十分愛》畀我同佢合唱，點知同佢唱咗幾段，佢就話我唱得屎，match唔到佢，佢就叫我讓支咪畀佢其中一個男性朋友唱，我當時真係心都噏埋，喺佢班friend面前真係好瘀，我其實真係好想問佢究竟有無鍾意過我？」
對於et009經歷，網友深表同情。AmandaLai說：「我係女仔都唔幫佢，又幾過份喔，以後你同佢一齊有排受咯。」mihobell慨歎說：「咁又唔好話高攀唔起港女，唔係個個港女都係咁。我係港女，都覺得佢非常過份，同埋嗰個女仔好明顯特登咁做！呢個女仔唔好再搵佢啦，再搵佢咪又玩你！」