胡杏兒早前為拍攝無綫劇集《肥田囍事》，由110磅狂谷至150磅，同劇的胡諾言也要齊齊增磅，最高峯達170磅。由於到劇集尾聲部份兩人需回復瘦look示人，故他們連日來均積極減肥，才一個月已火速減去20多磅，胡杏兒表示日前她在短短15分鐘內豪花五位數字購買新裝獎勵自己，至於胡諾言就笑言最想吃個雜扒餐。
胡杏兒與胡諾言昨日應某時裝店邀請，到樂富出席剪綵活動。本年３月，兩人為接拍新劇《肥田囍事》齊齊增磅，身形暴脹。早前兩人因應劇情需要而火速瘦身，更成功在一個月內減去20多磅，其中胡杏兒的身形更明顯比之前瘦了很多。
忙著書谷新劇
因為要增肥拍劇，胡杏兒透露數月來也沒有添置新裝，如今減磅成功，故日前她特地購物獎勵自己，更於15分鐘內豪花五位數字大手掃貨，她說：「我真係忍咗手幾個月喇，肥嗰幾個月都係着住嗰兩三條褲，完全冇買過新衫，前幾日我終於忍唔住走去shopping，15分鐘內都使咗五位數，咁辛苦當然要獎勵吓自己啦！」
胡杏兒正忙於撰寫一本講述自己由增磅到減肥的書，以配合《肥》劇推出，她說：「其實我已經寫咗啲㗎喇，之前真係忙到冇時間，所以我想趕到套劇出街前寫起。」
戒奶茶公仔麵
同場的胡諾言則表示其體重已由170磅成功減至現時的145磅，他透露這一個月內都要遵從營養師的餐單節食，加上儀器幫助以及做運動，實行三管齊下。他說：「我本來日日都要飲一杯奶茶同食公仔麵，但係呢個月內我一杯奶茶一啖公仔麵都冇食過，我𠵱家最想減多五磅，等我拍完下個禮拜嗰場求婚戲之後，我要即時去食番個雜扒餐！」
此外，對於朱玲玲與霍震霆離婚一事，胡杏兒覺得做人最緊要開心，她說：「𠵱家時代咁進步，開心咪一齊，唔開心咪分開囉，咁再見亦是朋友，不過我自己結得婚就會盡努力去維繫。」
採訪、攝影：李珮洳
