用$100,000可以買部二手車、入好多缸油、加裝好多補品，但有人就選擇買套靚音響，預咗你會質疑值唔值，所以今次情商標準舞導師兼得過獎嘅Vesta……對耳仔，幫手聽聽呢套超豪音響有咩咁巴閉。聽完之後佢都話高音甜、低音準，直情好似置身跳舞Ballroom一樣。
記者：黃婉冰
攝影：陳家亮、林栢鈞
Model：Quinn、Vesta
鳴謝：EncrustCustoms（28382666）
「焚」機有好多種，有人只要求大聲，街頭開機，街尾都聽到；有人就要聽靚聲，好似呢架AudiRS4車主咁，為愛車裝上總值$100,000嘅汽車音響，包括有低音喇叭、擴音器、中置喇叭、超低音喇叭、6碟DVD、CD盒、自動伸縮式彩芒、TouchPanel、iPod插頭等。「每次Set機之前，都會問客人鍾意聽咩類型嘅歌，再根據歌曲類型去Tune機，好似Jazz同Classic咁，高音要Tune得較清晰、突出；聽Rock要將結他聲、人聲、中低音Tune得強啲；聽HipHop就會加重低音，令Bass嘅效果更強、更重。呢架RS4嘅音響就特別啲，基本上聽咩歌都得，呢Set機最大特點係層次分明，人聲由中置喇叭出，可做出好立體嘅效果。」音響安裝技師Jimmy說。
配iPod一樣有靚聲
Vesta細心欣賞，我就聽到陣陣柔和音樂聲，忽然諗到如果突然間想由Jazz轉聽Rock或HipHop，咪又要返車房Tune？好煩喎，問Jimmy有咩解救方法，佢話唔使驚，其實車主自己一樣可以試吓Tune。「𠵱家汽車音響好多都裝埋iPod，一樣有靚聲㗎，其實我哋會畀網址客人去DownloadSoftware，咁就可以自己試Tune，唔掂先攞返嚟俾我Tune，但喇叭係愈聽愈靚，所以每個新喇叭都需要畀啲時間佢Run吓先，咁樣啲聲先會靚。」
Vesta評語：「聲靚到好似現場演奏一樣，愈聽愈想跳舞。」
「套音響啲聲好靚，高音、低音層次好分明，尤其是每到人聲部份，感覺好突出，聽落去好有立體感，感覺就好似喺現場聽歌劇一樣，唔同聲音由前後左右四方八面好有層次咁樣走出嚟，好有現場感，每一個分音都好明確，用佢嚟聽我啲跳舞樂曲，令到我好似置身Ballroom一樣，搞到我愈聽愈想跳舞㖭，哈哈。」
平平哋一樣有靚聲
玩音響，唔係下下都要豪花$100,000先有靚效果，正所謂平有平玩，細有細做，只要同技師Jimmy提出要求同價錢，佢就可以根據你架車個型號，為你度身訂做一套切合晒所有要求嘅私人音響，以下介紹兩Set同樣$100,000有找，最平$30,000都可以有交易，唔信，睇完先講啦。
中級$80,000 挑戰細尾廂
型號：保時捷Cayman
音響價：$80,000
Cayman尾箱勁細，Jimmy一樣可以將2個10吋低音喇叭、JLAUDIO500/5擴音器全部鑲晒落去，再親手車埋個保護架、噴埋油，工序勁繁複。
入門$30,000 全包乜歌都聽得
型號：MiniCooper
音響價：$30,000
試聽員VestaProfile：
姓名：Vesta
年齡：18歲
職業：標準舞導師
過往戰績：
－台灣第四屆大眾盃體育運動舞蹈、輪椅運動舞蹈錦標賽業餘A組摩登舞亞軍
－香港國際專業舞蹈體育總會第七屆執行委員會就職典禮香港體育舞蹈公開賽標準舞港澳4項冠軍
－06年澳門國際標準舞及拉丁舞大賽粵港澳5項21歲以下標準舞5項3rdRunner-up
－香港國際專業舞蹈體育總會2005年標準舞業餘3項全年總冠軍