八方噚日撞見好耐冇見嘅狄志遠（阿Dick），側聞佢早輪喺耆康老人福利會同啲同事「唔係咁夾」，做到意興闌珊，八方同阿Dick傾開，原來佢上個月已經正式辭咗耆康會個總監高職。阿廸證實話，佢會喺出年2月正式離開耆康會，專注撰寫佢嘅博士論文，一切順利嘅話，可望喺出年年底完成論文。
八方乘機八吓：「辭咗份高薪厚職，係咪有意再戰江湖先？」佢就澄清咁話唔諗參政咯，出年冇咗全職後，除咗專注學業之外，會多啲參加社會服務工作，仲會多做民主黨黨務，譬如幫手籌款、會員維繫同管理呀咁。佢話，民主黨搞得唔好嘅話，對香港嘅民主發展都有不利影響。聽佢咁熱心，民主黨有多幾個咁嘅熱血分子就真係有利發展喇！