"IguessIwastakenabackbytheharshnessofthewords."
「我諗我畀嗰番刺耳嘅說話嚇親。」
巴基斯坦總統穆沙拉夫去美國訪問，見美國總統喬治布殊（GeorgeW.Bush）前，接受哥倫比亞廣播公司訪問時爆料，話美國前副國務卿阿米蒂奇喺911後曾經威脅佢，話如果巴基斯坦唔合作反恐，就「等住捱炸彈，等住返番去石器時代」。喬治布殊前日（周五）同穆沙拉夫會面後，同記者講唔知道呢件事，對嗰番話好震驚。穆沙拉夫則耍太極，話佢本自傳聽日出版，出版商叫佢出版前唔好講咁多嘢喎。阿米蒂奇就唔認講過嗰番話，話自己冇權咁講。
德新社