自覺「樣衰」無人聘用的新移民青年阿濤（20歲），四個月來經歷近十次見工失敗，最終疑以死控訴社會歧視，於本月10日在屯門寓所跳樓結束生命。含辛茹苦養大四名子女的阿濤母親，原想一家人在港團聚，過着較好生活，惜換來悲劇收場。她現正急籌殮葬費，好讓帶回亡兒骨灰返鄉間安葬。
阿濤母親喃喃地自怨未能改變兒子墮樓的事實，「人都死咗，𠵱家講乜都冇用，講乜都遲！」她認為，兒子的死，最主要是他自己給予自己壓力，加上從小已患癲癇病，學習能力較人遜色。「佢九年前落嚟香港，因為有呢個病曾經停學兩年，年紀已經比同級同學大幾歲，自卑一定有…人哋會考考七科，佢就自知比人差，只考五科，結果都係零分。」
自殺前沒有先兆
在內地仍有一名長子的阿濤母親，九年前與三名子女獲批來港，她稱，一直對子女要求不高，只求他們聽話生性，即使他們學業成績不好，她與丈夫也從不施加壓力。
今次次子阿濤自殺喪生，她百思不得其解，只想到可能與找工作有關，「佢會考完都知自己成績唔好，專心搵工，見過成十份工，連跟車、凍肉店都有，結果都係叫佢返屋企等消息，等吓等吓又幾個月。佢試過一星期唔落街困喺屋企度，以前部電腦未壞就可以上吓網，早幾個月壞咗。如果有份工做吓、寄託吓，或者有部電腦對吓，佢可能唔會諗埋一邊走去跳樓。」
為口奔馳，阿濤母親不諱言，與子女溝通機會不多，而在次子自殺前，她未有留意任何先兆。「我平日朝早七點幾已經出門，四點幾收工返屋企又要做家務，個人已經好攰，邊有時間同佢哋傾偈！」阿濤母親對自己未能阻止次子做儍事，感到十分歉疚。
次子去世後，任職清潔工的阿濤母親及任地盤散工的丈夫，需要暫停工作處理兒子身後事，「手停口停，我哋份工收入唔多，我老公份工更加係打風落雨就可能冇工開。」阿濤母親目前最希望將亡兒的骨灰帶返內地汕尾鄉間安葬，好讓他長眠故土。
蘋果日報慈善基金考慮到阿濤母親一家經濟陷困境，將撥款15,000元助她應付亡兒的殮葬費。
捐款編號：C2171
