陳沛嘉早前發聲明，稱某名模指明不想與她同場令她工作量銳減後，忽然成為風頭躉，她前晚與Rosemary和李嘉慧等在銅鑼灣行騷時，再次成為焦點。她身穿全黑喱士透明裙，內裏只貼上乳貼及穿內褲，十分性感。
「天畀機會我」
陳沛嘉行完天橋後十分風騷，極度自我地說：「係個天畀呢個機會我囉，我一向都鍾意挑戰自己，所以大會都安排呢件衫畀我着。今日男友都有嚟睇騷，佢事前已經睇過我試着，我之前做過三次試身，肯定冇走光，所以佢都覺得OK，冇投訴。」問她可滿意現時的身段？陳沛嘉自信地說：「𠵱家係我入行以來最弗，雖然瘦咗，但身材都仲好好，今次我畀自己89分。」
Rosemary離港再咀
Rosemary早前又再次被影到與男友在金鐘商場內親嘴，她無奈地說：「我只想做回自己，做正常男女會做的事，我明白無法阻止傳媒追訪，所以我稍後放假都會出國拍拖，（這樣）少點記者。」
採訪：梁錦雯
攝影：仇志德