胡定欣、馬國明前晚首次擔任主持，喺將軍澳電視廣播城錄影中秋特備節目，現場歌手同藝員分成兩隊玩遊戲，李克勤就高歌助興，一班歌手玩遊戲時非常投入，胡琳同新人周凱林玩到忘形露股罅，不過做主持嘅胡定欣同陳苑淇都唔執輸，走光都唔知。 啱啱同吳浩康分手嘅胡定欣，問佢中秋人月團圓嘅節日，今年會點過？佢話：「冇乜感覺，咁多年中秋節日都係同屋企人食飯，又或者一班朋友去BBQ。」
