今個秋天去日本，一定要去由日本ChelseaJapan經營的ChelseaPremiumOutlets，因為當中三個最受歡迎的佐野、御殿場和九州佐賀縣鳥栖PremiumOutlets折扣中心，將展開革命性的大減價活動，名為秋冬季物品折扣活動。前兩個會在9月29日開始，而鳥栖則會在10月6日起舉行，即上：www.premiumoutlets.co.jp/index.html
台北祭孔大典
連中國大陸地區都已失傳的祭孔大典將於9月28日清晨6時舉行，整套儀式包括：古老舞的呈獻，源自周朝傳承自宋、明的雅樂，在鐘鼓齊鳴下，透過啓扉、瘞毛血、迎神、進饌、上香、三獻禮、飲福受胙及送神等隆重古禮儀式，典禮莊嚴肅穆，除表達對孔子最崇高的敬意外，也展現中國人尊師重道的優良美德。雖然現在台北有點亂，但這一年一度的大典還是不要錯過！
韓國慶中秋活動
唔講連我自己都唔知，韓國一樣有中秋節，一樣放中秋假，仲一連放三日呀！而喺呢個中秋連休期間（10月5日~7日），首爾市內的主要觀光景點都會舉行各式各樣的傳統慶祝活動。例如景福宮將舉行傳統的民俗遊藝體驗活動；南山韓屋村則準備有製作松餅的中秋體驗活動。而樂天世界、愛寶樂園、首爾樂園等遊樂場亦有有韓國傳統舞蹈公演、民俗遊藝活動等，查詢www.tour2korea.com。
Europe
英國旅遊局網上賣車飛
嘩！又有好消息，英國旅遊局網頁最近推出了一個OnLineShop，只要喺出發前登上www.visitbritain.com或www.visitbritain.com.hk/shop，就可以買齊英國火車證、Britishheritage、LondonPass甚至地鐵pass等等，最重要係上呢個網買雖然唔會有折扣，但exchangerate就相對低少少，都係有着數！
英航飛倫敦加送去歐洲
英國航空現正推出港幣$4,500的倫敦機票優惠，並加送一程往歐洲主要城市，嘩！咁咪變相玩多一個國家？好吸引！不過，呢個優惠一定要喺10月5日前購買機票，先可以平至$4,500的票價飛倫敦＋多程免費去歐洲各主要城市包括法國、德國、意大利及西班牙等地的優惠。想訂購機票，即刻登入ba.com或致電28229000（英國航空）！
10月去普羅旺斯行山
10月的普羅旺斯，沒有薰衣草，不過秋色同樣吸引！尤其是山上的景色更是動人，已有衝動去當地行山？10月14日至22日普羅旺斯將會舉行遠足周，地點是瓦爾縣（ledepartementduVar），當地以優美的山間小路而著名，熱愛大自然的朋友可不要錯過這個機會！
America
荷李活萬聖節癲晒
雖然萬聖節仲有成個月先到，但主題公園都相繼推出慶祝活動啦！若銀彈充足的話，我就會去荷李活，因為荷李活西部每年一度嘅HalloweenCostumeCarnival出名癲夾狂，逾50萬人上街扮鬼扮馬，加埋個位於SantaMonicaBoulevard嘅超好玩Party，點可以錯過呢！
加航飛美加有優惠
如果你準備一家大細，又或是三五知己去加拿大同美國，就一定要快手啦，因為平時好少做特價的AirCanada正推出BundlePromotionFare，只要有三個人或以上同時買機票，就可以最低$5,157價錢飛往溫哥華，而東岸如多倫多則由$6,457起，10月31日前要訂票，有興趣可登上www.skaltravel.com.hk或致電23009730（SKALTRAVEL）查詢！
8千蚊唔使反轉加勒比海
我覺得郵輪初哥最好去加勒比海，點解？一來團費時有特價，新船選擇又多，而且船上活動一般有多啲變化，就連船上的tours價錢亦平啲……所以如果你好想試吓真正「郵」船河，以下呢個團可值得考慮，星河公主號推出9天東加勒比海海空遊，內艙房最低由$7,980就包埋坐聯合航空來回FortLauderdale機票，出發日期為11月5日，吸引呀！查詢：29566833（SKYTravel）
