壯陽藥「威而鋼」（俗稱偉哥）和「犀利士」熱賣，令不法分子生產假貨魚目混珠圖利。香港醫院藥劑師學會藥物資源中心教育總監崔俊明說，當局過去搜獲的假貨，藥丸外表和藥盒包裝與真貨一模一樣，如果沒有被送往化驗，根本不能分辨真偽。他提醒市民兩種壯陽藥都需要醫生處方才可購買，若有藥房違規出售，可能是假貨或水貨。
「外表難分真偽，其實食咗落肚都一樣唔知粒藥係真定假，啲人見無反應，可能認為係自己身體嘅問題，反而唔會諗吓係咪食咗假藥呢？其實不法分子好『精』，佢哋唔會加啲毒藥落去，最多係成份不足，或者加啲澱粉同葡萄糖，就算啲人食咗都唔會有咩害處，亦唔會咁容易俾人發現，因為中毒出事一定會驗到。」崔俊明說，最有效打擊假貨的方法，是執法人員加派人手突擊巡查。
新聞資訊研究組