周星馳近排喺家鄉寧波忙緊趕拍新片《長江7號》，日前有消息話佢好唔滿意女主角張雨綺冇經佢同意就走去割雙眼皮，因為個樣唔同晒，分分鐘搞到之前嘅戲份要重拍。照計星爺呢排應該分身乏術日夜趕戲，但噚日就同谷德昭靜雞雞返港，最搞笑係星爺喺機場見到一大班記者，仲好八卦咁問：「你哋等邊個？」