中秋節是否一定要人月兩圓？有女子在she.com留言，表示為應付父母，公開在網上徵求「臨時男朋友」在中秋節「見家長」，她形容自己樣子OK，有沒有男士願意捱義氣不得而知，有網友對此很驚奇，認為現時單身很普遍，冇拖拍也不是大不了的事，何必欺騙父母？
香港討論區的單身一族慨歎「中秋節快到單身嘅會好悶」，邀請未有另一半的人一起過節，男女不拘，年齡不限，hk007d不滿朋友有異性冇人性，「我啲朋友要同女朋友出去玩，冇我份=.=」1984則說中秋節真正意義是一家人團聚，「同屋企人一齊先至係中秋節嘅真正意義，單唔單身冇乜所謂。」不過有人說留言者似乎以男性居多，擔心中秋活動清一色全男班到場，屆時可能甚為冇癮。