一個沒有皇法的地方，想食餐安樂茶飯並不容易，網民啤啤angel及其網界好友最是感同身受。周三晚上，啤啤angel一行四女前往旺角砵蘭街某過橋米線專門店消夜，「咁傾傾吓偈，突然聽到好大聲『嘭』一聲喺門口嗰邊傳出……」
兩兇徒刑毀飛鎚仔
啤啤angel在BeautyExchange吹水廣場留言說，初時以為食店阿姐打爛碗碟，但很快便知不對勁，「聽到好多人尖叫，我就望住啲玻璃俾人用嘢打爛，嘭嘭聲。玻璃碎晒，啲人暱晒喺枱底，咁我見到就暱埋一份……我啲friend睇唔到，淨係聽到聲，佢哋以為槍戰，驚到喺度叫，又眼濕濕。」
原來並非槍戰，有人以鎚仔砸毀食肆的玻璃外牆。一名坐近門口的阿叔走避不及，被玻璃碎片濺傷手。兇徒離去後，食客陸續四散，職員要求埋單也不理會。兇案過後，啤啤angel猶有餘悸：「最恐怖係個兇徒原來飛咗個鎚仔入來！」
好戲在後頭，據她描述，警員接報到場，眼見四位玉女驚魂未定，竟開玩笑說：「唔使驚，呢度係旺角呀，如果油尖旺冇呢啲嘢睇就冇晒特色㗎喇。」警方向本報表示，已把事件列作刑事毀壞案處理，兇徒應為兩名男子，一人戴灰色cap帽。