入行18年嘅陳淑蘭（左），大家都習慣叫佢做蘭子，點知近期佢突然改名叫做「陳道然」，原來相士話呢個名有助財運云云。噚日凌晨，蘭子去相熟嘅跑馬地7仔買雪條，店員一見佢就嗌聲「陳小姐」，蘭子即刻話：「叫我陳道然吖。」變咗丈八金剛嘅店員就答：「哦，陳導演。」蘭子又大聲講：「唔係，叫陳道然呀。」結果店員就將陳道然三個字𦧲成一個字過關。