李克勤應RoadShow之邀擔任主持，他昨日到美孚為節目錄影，親身訪問柏林影展銀熊獎得主金培達、唱片監製趙增熹等。克勤表示他與父母及女友日前一齊到泰國出席朋友婚宴，剛巧抵達曼谷首晚便發生政變，他說：「我哋10點幾就到咗，第二朝起身睇新聞先知當地已出動坦克車，酒店有用紙條通知我哋，勸我哋唔好出街，但係冇講乜嘢事。」
克勤指事發翌日並沒有因擔心而離開當地，不過酒店遊客隨即已減七成，就算是食早餐的也只得3枱客人，街上又沒有往日塞車的情況，只見軍人在街上檢查車輛，他說：「我哋部車都有軍人檢查，不過，我哋照shopping。好彩我哋係去泰國冇去日本，日本好多狗仔隊，原來最好睇唔係麥當娜，香港嘅星光都唔會比麥當娜遜色。」
採訪、攝影：張俊銘