大嶼山愉景灣單日錄得兩宗二手成交，一宗係過千萬豪宅，另一單係百零萬樓仔，銀碼一大一細，原業主一賺一勁蝕。第一單係海澄湖畔1座地下連花園單位，1658呎，成交價1015萬，呎價6122蚊，買家係愉景灣換樓客。原業主02年2月以589萬買入，揸咗4年賺426萬，升值72.3%。
另一單係三期康寧閣高層B室，472呎，成交價130萬，呎價2754蚊，買家係外區客，原業主97年以288萬買入，勁蝕158萬，貶值54.9%。美聯潘慶樑話，愉景灣嘅樓除咗樓價差異好大之外，比較有趣嘅係，買500萬以上物業嘅買家，十居其九係愉景灣換樓客，覺得啱住就想換大啲。至於買百零萬入場費樓仔嘅，大部份喺外區客，平平哋試吓啱唔啱住。