兩個月前在葵涌發生的1死15傷嚴重車禍，死裏逃生的鄭氏父子，父親鄭應祥仍需躺卧病床至少半年，最近始可進食固體食物，其受毀容打擊的8歲兒子，上周重回校園。為讓鄭太能專心照顧丈夫，蘋果基金特撥出１萬元緊急援助金，緩減他們的經濟壓力。
「對腳未完全有知覺」
上周記者探訪鄭應祥時，他已開始接受物理治療。「主要都係練對腳嘅力同學行路，但因為對腳仲未完全有番知覺同冇晒力，所謂行，只不過係靠對手扶住兩邊拖郁個人，瞓咗咁耐醫院，𠵱家日日做兩個幾鐘練習好辛苦，最擔心係對腳就咁廢咗！」勞累的復康練習外，鄭應祥還要每日受便秘折磨。鄭生說：「撞車後，𠵱家先可以食番飯，但大小便仲未控制到，最慘就係晚晚便秘，個肚谷住谷住，好唔舒服！」
因毀容而拒絕上課的智仔，終肯重回校園。鄭太說：「早幾日老師帶埋二百幾個同學仔嘅簽名嚟做家訪，智仔知道學校咁多人關心同鼓勵佢，先至肯『開學』。」只是車禍令智仔面上留下數吋長疤痕，且面上多條神經線斷掉導致「大細眼，高低嘴」，始終構成沉重壓力。
鄭太說：「智仔一出街就企喺我右手邊，搵我個身遮住佢左面嘅傷疤，唔想俾陌生人見到。心理學家話呢啲心理創傷，只能繼續做心理治療，等時間慢慢令佢接受。至於面上嘅神經線，都係要畀時間，希望可以生番埋。」
由於鄭太未符領取綜援資格，過去一家四口只靠三人綜援額過活，意外後獲發放緊急援助金應急，鄭太一再感激道謝。
捐款編號：C2156