周中推介米蘭雙雄，結果一贏一輸，AC米蘭主場出擊，下半場先入得1粒，以1:0僅勝，結果令人失望；睇番下周中又有歐冠盃打，大家不妨追意甲3雄對家，一於博佢哋今周聯賽失分。
先講AC米蘭，周六就作客利禾奴，AC米蘭已經連拼多場，班老嘢未必頂得順；而且下周中歐冠盃作客對里爾，呢場波可能係AC出唔出到線嘅關鍵，睇怕安察洛堤今場都無力去同利禾奴搏。立博開出今場亞洲盤，AC米蘭作客要讓到半/一，作客讓半/一開上盤成功率唔高，既然利禾奴前仗都可以擊敗費倫天拿，今場應該可以做到不敗，讓球主客和「主勝」絕對捧得過。
國米贏波輸盤格
周日賽事方面，國際米蘭上仗果然如小弟所言，作客都可以打低羅馬；不過今次回師主場，又要讓到基爾禾球半高水。國米呢班波，一向好少為球迷連續贏錢，後防信心仍然未夠，基爾禾雖然近況平平，不過就勝在有鬥心，經常入番你一粒兩粒，睇嚟似贏波輸盤格，國米單W可以買，我亦都會試下讓球主客和「和局」。
最後博帕爾馬主場對羅馬搶到1分；羅馬上仗輸俾國米，季初氣勢被打斷，下周中又要作客西甲華倫西亞，華倫喺西甲贏到開巷，羅馬點都要留一留；今次羅馬作客和波，各得1分，並唔係冇理由㗎。
謝利
立博亞洲區首席博彩顧問
電郵：[email protected]