聖基道兒童院創辦於1935年，其轄下有24間兒童之家，共提供192位服務名額。該會發言人曾小姐介紹說：「住喺兒童之家嘅都係4至18歲兒童同青少年，佢哋都係孤兒或者嚟自破碎家庭，經過社會福利署轉介入住。呢度會提供住宿服務，院方規定，當年滿18歲佢哋就要離院獨立生活，或者當屋企問題解決亦會離開，但佢哋平均住喺兒童之家嘅時間，都係四年左右。」
院方除了提供三餐一宿，更重要是擔當了代父母的角色。曾小姐說：「兒童之家嘅家長會負責教導啲院童，又會提供好似讀書、繪畫、體育或藝術等各種興趣班，畀佢哋有多元智能發展，目的係幫助佢哋認清自己能力，可視乎個別潛能培養，等佢哋可以有更好發揮。」
由於院童背景關係，大時大節更需外界的關心。曾小姐說：「除咗兒童之家外，我哋仲會提供新移民兒童服務，所以會將名古屋送出嚟嘅100個月餅好好分配。兒童之家同新移民服務中心每邊各50個。對院童嚟講，得到外界社會關心支持，實在感到開心。」