葉佩雯（Grace）與容祖兒及何嘉莉均是同期出道，幾年間各有際遇，葉佩雯稱得上愛情事業兩得意，皆因她有男友郭偉亮（EricKwok）全力支持，雖然二人合作經常有拗撬，但愈拗感情愈好。
葉佩雯與男友EricKwok孕育半年多的結晶品──新碟《OnMyOwn》已經出世，Grace事事親力親為，坦言過程極之艱辛。一對熱愛音樂的情侶合作出碟，並非想像中浪漫，更是拍拖以來爭拗最多的日子，Grace自言對新碟要求甚高，雙方不時因此有磨擦。
不敢認幸福
Eric初次見識Grace工作時的認真態度曾嚇了一跳，但其實不少同事朋友也表示未見過Eric錄音時如此兇惡，Grace笑說：「好多時我哋喺錄音室拗，身邊啲人就會用唔同藉口想行開，不過我哋會話『唔使，我哋冇嘢』，真係好搞笑。」Grace認為兩人關係親密，工作時可以毫無保留，更加深彼此了解。
環顧同期出道的容祖兒與何嘉莉，前者成為樂壇天后，後者已為人妻，同時間能擁有愛情事業的Grace，未敢自認幸福。她感激上天安排三年多時間讓她停下來想清楚，Grace說：「我嗰時唔係為愛情犧牲事業，而係我都好攰，想唞下諗清楚自己嘅目標，都擔心fans會忘記自己。」
堅持搖滾路
Grace表示初出道時任何工作都由公司安排，雖然今次付出大量精神及體力，但她十分享受當中過程，她說：「好多朋友叫我唔好唱rock，話香港市場好細，但係我唔想只係唱K歌，我希望趁後生做想做嘅嘢，畀大家欣賞我嘅音樂。」Grace還希望重投影圈，因為她也享受扮演不同人物的感覺。
採訪：馬建華
攝影：陳偉權
