今周末精選幾瓣「波膽」及「總入球」畀大家度下過關，以「刀仔」注碼為原則，4關串5注，中3關有錢收。啱心水的話，亦可適度提升注數，悉隨尊便。
維拉今季由奧尼爾執教之下，愈見踢出實力；周中雖然喺聯賽盃，只係小勝低組別球隊斯肯索普2:1，但周六返番聯賽，又有主場之利，可望有更好表現，博維拉贏查爾頓2:1。
西布朗盧頓「2球」啱數
曼城周中喺聯賽盃失利，作客輸咗畀車士打菲特；周六返主場聯賽鬥韋斯咸，照計唔值睇好。但曼城近年主場表現都算幾穩健，啱啱輸咗場爆冷波，隨時嚟個反彈，贏波之餘仲要唔失波嗰隻，始終韋斯咸近況麻麻哋，博曼城贏2:0。
西布朗今季雖然喺英冠係升班大熱門，但一直表現不穩，領隊白賴仁笠臣終難逃被炒一劫。周六聯賽佢哋能唔能夠作客贏盧頓，振奮一下爭升班嘅士氣，難講啲；但呢班波近期喺聯賽，唔係贏2:0就係輸0:2，或者打和對手1:1，呢場曲線敲波膽，博「總入球」「2球」應該穩陣。
葡超聯3大熱門隊之一嘅士砵亭，上周聯賽意外地主場輸波，但呢啲超班球隊，喺聯賽反彈能力特別強，輸完即贏例子見唔少。咁啱新敗，今輪幾大博佢哋贏波，作客淨贏艾維斯2:0正路又有分頭。
文：華度