交行新任行長李軍，噚日抵港與本地傳媒茶敍，被內地老員工形容為「穩重儒雅、低調帥哥」嘅李行長，說話言簡意賅，作風務實，有記者問佢，內地媒體描述佢「非常勤奮」，到底其一天工作時間有多長？
李軍笑說，工時是其中一個指標，但亦要從整體思考及遇到問題的應變能力評估，好比經營一間銀行，一兩年表現好，不能說明甚麼，要做到「年年好，長期好」，就考真功夫嘞。
作為交行第二大股東嘅滙豐，其國際化成功之路，是李軍深感興趣嘅研究課題，佢話，由滙豐借調交行嘅副行長葉廸奇，亦向佢介紹過內地出版的新書《滙豐金融帝國-140年的中國故事》，由上海赴港嘅兩個多小時航程中，李軍全程均同Dicky討論，滙豐管理文化以至股價持續上升之謎，咁好學，抵佢掄元行長之位；李軍亦會出席今日招行上市儀式。