梁漢文、關心妍、陳小春和Twins等前晚在將軍澳電視廣播城錄影《勁歌金曲》，兼順勢為即將舉行的季選拉票，梁漢文透露下星期一會錄影節目《美女廚房》終結篇《美男廚房》，屆時他們三位主持將會在商場大顯廚藝。
關心妍趕製新碟
問梁漢文平時可有下廚予女朋友品嚐，他笑說：「冇喎，我冇整過嘢畀女朋友食，因為自己都好少煮嘢食。」
陳小春前晚穿上綠衫及戴上綠帽出席《勁歌》，問為何戴綠帽？他即笑說：「我不嬲都鍾意戴綠帽，綠帽唔怕戴，最緊要除得快。」提到他下星期出新碟，不過同期也有其他歌手如陳慧琳等出碟，問他可擔心競爭大，小春聞言有點𤷪𤺧說：「做乜成日要同人鬥啫，大家自己人，一齊存在唔得咩？」
此外，關心妍表示近日為新碟錄歌，望可以盡快完成，她說：「唱片監製蔡一智就嚟結婚，所以想喺佢結婚前錄晒啲歌，唔想阻人哋放假。」
採訪：卓美娟
攝影：陳俊強
