美女廚神愛精研入廚之樂，點解冇美女探索沐浴之趣呢？有冇諗過沐浴露其實可以落手落腳溝出來，具備醫療效用的泡泡浴也可自己製造？想擁有閃亮柔滑的美肌，與其買昂貴身體沐浴露，不如細讀家居美容浸浴大全，快手去街市、入廚房搵材料，同至愛一齊沖個靚涼！
記者：盧家蕙
攝影：楊錦文
Model：Fiona&Edmond
場地提供：ArcheBeautyTherapy（28876161）
浸浴大全：天然滋潤3法
估唔到一年四季都有得賣嘅香蕉，甚至橙皮、檸檬皮及西柚皮等「垃圾」都係寶！想滋潤肌膚或加速血液循環，大家不妨搵「垃圾」做材料，學識自製沐浴油同香薰沐浴珠，咁皮膚幾時都咁潤啦！
1.鮮果抗老潤膚
由於生果含豐富維他命，以下2種方法旨在讓皮膚吸收維他命，不論是果皮或果肉，用得其法一樣收到抗衰老之效。
有蕉出招
材料：香蕉3隻
做法：
檸柚抗衰老
如果不喜歡用蕉肉，可用以下3種水果浸浴。
材料：西柚、橙、檸檬
做法：
生果拆肉後，把果皮洗亁淨，倒入注滿溫水的浴缸中，待10分鐘後便可泡浴，15分鐘後皮膚會更添光澤。
2.拒做冰山美人 冬天fit晒
成日吹冷氣，會令身體血液循環不佳，甚至出現水腫。除了做運動，泡熱水浴亦可幫助血液循環。想加強功效，不妨試泡白酒浴，加多幾片白蘿蔔，泡完身體會更和暖，冬天必試！
材料：白酒、白蘿蔔
做法：
將200克白蘿蔔放於水中，再將1小杯白酒（約50ml）倒入水中浸浴，可令血液循環更佳。
3.無添加沐浴珠
七彩浴珠賣相吸引，氣味宜人又滋潤，雖然有平有貴，但日日浸就代價不菲。想親手自製五彩浴珠或無色素浴珠，絕對有可能。
材料：奶粉或咖啡伴侶、麵粉、硼砂（雜貨店有售）、清水、橄欖油、香薰油（此份量可製5-8顆）
做法：
＊想靚仔啲，可去超市買瓶食品色素染色，任你玩到七彩都得。
自然治療法：體臭敏感速自救
為了靚靚，女人不惜大破慳囊，遇着亁燥痕癢、體臭、曬傷及濕疹等棘手問題，就更會用盡一切方法解決。如果試過好多方法都無效，不如試用天然物料自救！
蜜桃葉治濕疹 女藝人救星
唔好以為BB仔先會生濕疹、熱痱，三字頭的Sammi及剛甩拖的李珊珊，同樣被濕疹問題煩擾不已，除了訪尋元朗神醫，泡蜜桃葉浴或者會有一線生機。
材料：蜜桃葉
做法：
將蜜桃頂部的葉收集起來，大概10片。洗亁淨後，放入浸浴水中，有助治療背部熱痱及濕疹。
踢走狐仙
鹽具殺菌、消炎等功能，如果狐仙上身，可撒一把鹽或發酵粉於浴缸中浸浴；此方法亦可紓解人體每日吸收的輻射。
材料：鹽、發酵粉
做法：
方法1 將約50克鹽溶於水中，浸10分鐘，每星期浸1次。
方法2 以50克發酵粉倒入水中浸10分鐘，每星期浸1次。
茶水消紅腫
原來平時沖奶茶用的紅茶包，有可緩和曬傷後的刺激及疼痛，沖完涼成個人醒神晒。
材料：紅茶包
做法：
準備3-5個茶包，用熱水沖出濃茶後，把手、腳浸5分鐘，或待溫後直接淋身。