曾憲梓二兒子曾智雄婚變，爆出一名楊姓女藝人成為第三者，事件觸發全城大玩競猜遊戲。被網民選為頂頭大熱的楊恭如昨日往中環出席公開活動，當她得知曾智雄太太吳嘉寶接受訪問時，也表示希望知道誰是「楊小姐」，即時衝口而出說：「咁神奇？」並大呼甩難，又聲稱自己從來未與豪門中人交往。
曾憲梓二媳婦吳嘉寶，早前發聲明指不能忍受丈夫曾智雄與一楊姓女藝人有婚外情，所以決定離婚，事件觸發全城大玩競猜遊戲。前日其中一個楊小姐楊采妮已經發聲明澄清與此事無關，至於被網民選為頂頭大熱的楊恭如昨日則往中環出席一個美容活動，頓時成為焦點所在。
未考慮發聲明澄清
恭如被問到會否學楊采妮般發聲明時，即時表示不會考慮，她說：「我已經喺自己個blog度寫低感受啦，根本件事同我無關，我都希望快啲水落石出，你哋快啲搵出真相啦。」
當恭如得知日前吳嘉寶接受記者訪問時，竟然指自己也想知誰是「楊小姐」時，她聽後即說：「真嘅？咁神奇？咁就甩難喇，基本上我好少同啲豪門嘅人交往，應該話從來冇！」
「有人扮單身追女仔」
不過當記者重提周正毅與她的緋聞時，恭如即時黑面說：「我唔回應呢點，點解你哋咁鍾意問我啲歷史嘅？好衰㗎！其實有啲人好鍾意扮單身嚟追女仔嘅。」
採訪、攝影:林妙萍、梁錦雯
