最近有網友Post咗單料上網，話新西蘭奧塔哥天主大學醫學院研究出十字花科蔬菜如西蘭花、水田芥具有殺死癌細胞功能。呢類蔬菜含異硫氰酸脂化學物質，可令癌細胞自我滅亡。講到有根有據，好多網友睇到都話以後要叫阿媽煮多啲西蘭花，不過食還食，咁到底係新鮮食定煮熟食？網友羅比︰「如果你炒到佢好重鑊氣，你估仲有無殺癌功用呀？」borlawbao就話︰「通常呢類報告話比（畀）我地（哋）聽，食物所含物質要食夠一噸先有效。」講落有道理，DevilMask亦話︰「但係好似話食得多又會引起另一樣野（嘢）……之前聽過，唔記得左（咗）！」其實食乜都有營養食乜都有益，食過量就反而唔好，你睇有人日日食補品都會有病就知啦，所以最緊要適可而止。
網址︰ http://www9.discuss.com.hk/viewthread.php?tid=2343634&extra=page%3D1