特首選舉仲有幾個月先提名，泛民本來想爭取時間，盡最大努力說陳太出馬，如此一來，梗係要等埋12月選委會選舉結果，攞足100票先至算。點知呢個世界唔係你一個人可以話晒事，你唔郁大隊唔起行。
八方聽聞，有啲專業界別同泛民講，如果喺選委會選舉前都未有候選人名，佢哋好難動員啲人去投票，而且個候選人名唔可以太遲先講，因為都要畀時間大家認識，做工作。
班專業界選民一迫，泛民馬上告急，𠵱家真係時日無多，陳太如果10月前都唔表態，佢哋都要搵人出馬，同大家講清講楚，泛民唔會因為阿太唔出就棄權。到今日為止，白鴿黨都冇話過會再派人應戰，即係話一定係班大狀要上馬，係余大狀、湯大狀抑或梁大狀，睇怕好快會揭曉。