漢諾威已連贏兩場，今周主場迎戰近5場不勝嘅利華古遜，獲開平手盤，捧主隊好似好有着數咁；但漢諾威連贏兩場之前係3連敗，呢輪走勢較難作準；而以利華古遜整體實力，你話繼續不勝嘅機會其實又唔係好大，隨時反底格，呢個平手盤似有吸引主隊注碼之嫌。
法蘭克福今季喺德甲4戰仍然保不敗，共計1勝3和，包括上周主場大勝利華古遜3:1，連同德國盃及歐協盃在內，近3仗連勝，戰績令人意外。今輪作客史特加，仍有喺「讓球主客和」「+1」之利，好似好筍。主隊史特加今季主場兩戰全敗，但上周反勝不來梅見功力，今周潛在主場開勝門機會，咪亂捧「客勝」。
歐塞爾5連勝不穩
歐塞爾最近成為捧場客甜心，喺各項賽事已經連續4場取得波盤齊贏成績，所有盤口更係贏足全個；今輪聯賽又有主場之利，迎戰對手係開季至今7戰未嘗一勝嘅色當，但歐塞爾只係讓半/一，個勢咁好都唔使讓到一球。咪忘記法甲聯係一個幾旺開和波嘅聯賽，色當知恥近乎勇之下守你，歐塞爾5連勝難穩。
同歐塞爾情況相反嘅波爾多，近績走勢欠佳，但今周主場迎戰成績比色當更好嘅特魯瓦，開[-1]。不過，咪以為呢個「客勝」仲穩陣，波爾多今季只係對住強隊無貨賣，遇上實力一般球隊都有殺錯無放過。
文：華度