電視係唔少香港人娛樂嘅必需品，仲係茶餘飯後話題來源，好似「15/16」呢啲問答遊戲節目，令觀眾睇到十分肉緊。香港置業就好醒，將呢個節目融入自己開辦嘅課程內，所謂橋唔怕舊最緊要受。
香港置業董事楊彩鳳話，最近獲批嘅一個持續進修課程「地產代理實務個案『15/16』」課程，就借用咗電視台受歡迎遊戲節目橋段，好似課程其中一個個案分享問題係：「若果租客欠租，業主可以申請財物扣押令追回所欠租金及收回該單位。」正確答案係：15正確，16不正確。要求學員選擇合適答案，之後會即場揭盅。
楊彩鳳透露，呢個課程計劃10月開學，若果反應理想，會搵更多唔同類型嘅培訓計劃，等學員更投入學習。