已經買咗人壽保險，前幾年，在保險代理游說下，又買了危疾保險，就算唔好彩生癌，都有得保，加上公司嗰份醫療保險，兩份保障都應該冇有怕啦！點知，保險代理居然再出招，今次係住院保險。咪住，公司份醫療保險包埋噃，點解仲要買先？
公司醫療保險唔夠賠？
代理話，一般公司為員工購買的醫療保險有以下特色：
當員工離職時，保障便會終止，若你這時才購買醫療保險，保費可能會很高，甚至遭保險公司拒絕受保。
其次，企業運作注重成本，公司的醫療保障水平可想而知，保障不足，餘額便要由員工「硬啃」。
事例（由滙豐保險提供）：
周先生數年前向滙豐保險投保一份醫療保險，該計劃以實報實銷形式賠償，保障範圍包括病房費用、住院雜費、醫生巡房費、專科醫生費及手術後診症治療等。由於周生的僱主亦有為員工買醫療保險，所以周生曾考慮斷供自己買的那一份，後來聽了太太的意見才保留。
一年前，周生患上心臟病，需入院接受手術，留院一星期，住院、治療加上其他雜費合共5萬元，周生僱主為他買的那份保險只賠償2.9萬元，餘額由周生自己那份住院保險全數補貼。
有齊壽險危疾仲要買？
代理話，三種保險提供的保障各有不同，先說人壽保險，保障對象不是受保人而是受益人，壽險屬於身故賠償（DeathBenefit），即「死咗先有得賠」，一般賠償予受保人的親屬及家人，支持日後生活及辦理身後事等。
危疾保險則是保障受保人，而且是生存時賠償（LivingBenefit），當證實患上保單所述危疾及符合有關資格後，便會獲發賠償，通常是一筆過，用作支付醫療費用及家庭生活開支。
至於住院保險屬於醫療保險中最實際一種，是生存時賠償，對象亦是受保人，當你因事入院便會獲得賠償，以減輕需要負擔的醫療費用。若同時買了危疾及住院保險，又不幸患上危疾而要入院治療，你可同時獲得一筆過的危疾保險賠償，並透過住院保險賠償支付龐大的住院費用，但有個別住院保險要由受保人先行繳付住院費，然後申請賠償。
保費逐年加 早買有保障？
人壽保險保費鎖定，所以趁年輕買較着數，但住院保險保費隨年齡遞增，即使早買亦不可以鎖定保費。不過，國衞保險市務部總監勞永耀（圖）說，投保前已患有的疾病，保險公司不用賠償，另外，保險公司為保障自己，會訂明在保單生效後一段時間內（一般15至30日）發生的疾病，保險公司亦不用賠償。相信無人可以知道自己幾時有病，所以趁無病無痛買，到有需要時就有保障。
不過，滙豐住院萬全保則不會逐年加保費，一經投保，保費便會鎖定。假若18歲時購買保費最低的住院保障計劃──年費1056元，每月88元，投保後，隨着年紀增長，每年保費仍維持1056元。