當你同保險經紀傾保單時，或者曾經問過以下問題？你嘅經紀是否曾作以下回應及準備？本欄於《香港討論區》內摘錄部份如下：
處境一：
客戶：等我返去諗下先。
經紀：要諗邊方面呢？其實你投保後仍有冷靜期去考慮；不如我同你先安排投保，咁你仲可以返去考慮、考慮。
處境二：
客戶：我大把錢，唔使買醫療。
經紀：香港人口老化，醫療開支會愈來愈貴。你有那麼多錢，一定有不少投資計劃進行中。你也不想突如其來的醫療開支影響進行中的計劃吧！醫療保險就可以是一個可能的解決方案。
處境三：
客戶：市面上有那麼多投資方式，為何要利用保險計劃做儲蓄？
經紀：市面上的確有很多投資方式，回報可能比保險計劃更好，但市面上其他投資方式，當你因病或意外引致長期沒有收入時，會因無沒供款而中斷；而以保險作為儲蓄計劃方式就可以確保繼續，不會中斷（當然要響份plan加傷殘豁免條款）。
處境四：
客戶：你咁新，保險好難做㗎，我幫你幫得幾多？最多咪一份半份……以前我啲朋友都做過，都做唔成……我唔想睇住你衰呀！唔好做啦！
經紀：原來你係有幫人嘅心，多謝你先。我決定加入保險行業，是希望在這行發展，而且保險是絕對可幫助人，在遇到不可預期之事時，它便會發揮功能，助你解決燃眉之急；所以同你樂於助人的心如出一轍。你是我嘅朋友，當然第一時間同你分享。係呢，你現在有沒有保障呢？
處境五：
客戶：個plan咁複雜，我都要同屋企人商量下先。
經紀：哦，咁購買保險都係一件影響終身嘅事，所以你咁諗係好正確嘅。但咁喎，保險係保障我哋嘅未來。無人知道下一分鐘會有咩事發生，所以先有保險。如果我哋即時投保，未來所有風險即時化為零。就好似聽你上次講想買保險嚟保障父母，如果你𠵱家即時做決定，你嘅父母就即時得到×百萬嘅保障（視乎總投保額），永無後顧之憂。而且今日即時登記咗，你仲有2至3個星期嘅冷靜期。
喺呢段時間內，你仲可以同屋企商量，萬一到時真係覺得唔需要，你所交嘅保費係全數退還畀你嘅。係啦！你剛才都覺得呢個plan好適合你，唔知你受益人係寫你爸爸定抑或媽媽，定兩位都寫呢？
報料電郵：[email protected]