任賢齊與黃品源這兩位台灣歌手，同期出道，又一起當兵，下月更合作在紅館舉行演唱會，他們笑言屆時會以男人的歌聲，唱出女人的心事，還會一展舞技。
任賢齊和黃品源這對好朋友，將於下月10日及11日在紅館合作舉行兩場演唱會。日前二人在尖沙嘴接受訪問，問他們為何會合作開騷？小齊說：「因為我睇過『左麟右李』，覺得幾好，加上我同品源熟，大家有默契，所以咪諗住試吓。」問到合作開騷，有否試過意見不合？小齊說：「我哋唔會鬧交，有意見都會提出嚟傾，因為我哋都唔計較。」
脫與不脫之間
近年的演唱會多以舞台效果為主，歌者要十八般舞藝樣樣皆精，包裝似乎重要過歌藝。問小齊和黃品源這兩位成熟男歌手以甚麼作招徠？小齊說：「我哋會用男人嘅心聲同聲音，去唱一啲女歌星嘅歌，去感動女人。我哋揀咗劉若英嘅《後來》、范曉萱嘅《眼淚》同孫燕姿嘅《遇見》等，用男人角度去話畀大家知，我哋係了解女人嘅。」
此外，二人更會在台上跳舞，黃品源坦言首次排舞時，動作如機械人。提到其他歌手跳舞時多加上脫上衣環節，黃品源笑道：「脫是要滿足歌迷，要在脫與不脫之間，令歌迷有想像空間。」
採訪：馮美茵
攝影：陳俊強
髮型提供：ByronHoofHairCulture
化妝提供：AngelYip
場地提供：尖沙嘴帝苑酒店MartiniBar
