「他信衰在太霸道，想一步步壟斷晒成個泰國。」港商何國興在曼谷開設的海鮮酒樓，是泰國政要經常出入的「高官飯堂」。政變當日，何先生稱下午五時已得悉這驚天大陰謀，「夜晚九點，我打畀老婆，叫佢五分鐘之內離開舖頭返屋企」。長袖善舞的何先生，廣結政界朋友，泰國的前農業部長、現任三軍總司令，都是其客人，「他信都有幫襯過叫外賣。」
何國興形容他信是精於計算的商人，「佢的確係好叻，但係太過獨裁」。他指出，他信出售電訊公司前修改法例，令自己合法逃避巨額徵稅，又一心染指公用事業，企圖令水、電部門私有化，收歸旗下，「佢一直為自己鋪路，到時所有泰國人都要打佢工」。
他信下台，何國興認為對泰國經濟有正面影響，「最緊要係軍隊真係還政於民，𠵱家國家銀行行長係熱門接班人，佢上場對泰國係好事。」
「最緊要軍隊還政於民」
但在泰國基層華人心目中，他信確改善了窮人生活。任職導遊的彭小姐表示，他信在任期間主動引入外資，令橡膠價格由每桶13匹升至每桶80多匹（泰銖單位）。政府又出資聘用大批資深的士司機，令的士收費大幅下降。「其實佢都有做到好嘢，只不過今次真係好唔啱，應該下台。」
本報記者