性騷擾在辦公室內相當普遍，按現行的《性別歧視條例》，若在工作環境中充斥涉及性的行為、言語或圖片，使人難以安然工作，已構成性騷擾，受害人可向平機會投訴。職工盟副主席張麗霞表示，打工仔難免與上司單獨接觸，最重要是員工不應啞忍，助長歪風。
張麗霞說，曾處理一名女職員到外地公幹時被上司性侵犯：「個老闆話搵唔到份文件，要佢入房幫佢搵，點知一入到去個老闆就閂門，攬住個女仔唔放，直至自己條褲濕咗（射精）。」她提醒女士出外公幹時避免男女獨處一室，如有需要可要求所有文件均在房門外交收。
對無理要求提高警覺
張麗霞稱若因與上司無謂的身體接觸而感到不自在，應嚴詞拒絕，「唔好怕被人笑就唔出聲！另外，唔好為咗同上司及同事搞好關係，例如俾人搭吓膊頭，勉強自己接受，否則第時有機會成為人哋嘅藉口：『你一向都係咁㗎啦！』」若被上司性騷擾，可向更高級上司投訴；若侵犯者是老闆，員工可向工會或平機會投訴。
風雨蘭服務主任王秀容亦稱，大部份工作即使需要社交應酬均沒理由要求員工懂跳舞，更不會由上司親自教授，面對類似無理要求，員工應提高警覺。
新聞資訊研究組
