陳沛嘉早前發聲明指某名模指明不與她同場，令她工作量銳減，矛頭直指陳嘉容，昨日連跑三場騷的她在銅鑼灣出席護膚品活動時風騷地稱「咁啱啲job撞埋一齊啫」。另一邊廂的陳嘉容得悉自己昨日的工作量少過陳沛嘉時，即酸溜溜地表示恭喜對方。
模特兒陳沛嘉昨日在銅鑼灣出席護膚品品牌Philosophy活動，為陳山葱敷面膜，除了這個活動，她昨日還要出席另一護膚品牌和金飾活動，問她一日三項工作明顯是早前出了聲明吐寃屈奏效，她聞言即說：「咁啱啲job撞埋一齊啫。」
問陳沛嘉是否有打勝仗的感覺？她說：「冇乜心理上要贏，都唔理人哋會有幾多個job，正如一齣戲一場騷都要有幾個角色、幾個模特兒㗎啦，我唔在意自己係主角定係配角，只要係其中一個角色就得啦！我發聲明唔係想搞是非，我冇變，人哋喺背後做啲乜嘢我控制唔到。」
陳嘉容酸溜溜
隨即陳沛嘉又忽然自爆上周被客戶突然取消工作，她說：「嗰兩個job係一個月前落實嘅，忽然冇原因就話唔需要我啦，兩年來發生嘅事我都唔追究，兩個job我更加唔會追究啦！」
此外，捲入是非中的陳嘉容昨日在灣仔出席寶石活動，記者告之她昨日陳沛嘉有三項工作，她卻只有兩項，她聽後尷尬地說：「點答呀？恭喜佢囉、戥佢開心囉。」提到陳沛嘉指上周被取消工作，陳嘉容說：「唔知噃，你哋問番個客啦。」
採訪、攝影：DebbieLum、RitaLeung
