被煲呔叫做福祿壽三星嘅工聯會三位議員嫻姐、鄺大狀同埋王國興前日唔畀面煲呔，一致杯葛禮賓府午宴。鄺大狀話自從入咗立法會之後，飲飲食食太多，所以唔想去，佢都記唔起今次係煲呔入伙後第一次宴請。三人話因事忙唔去，其實真係執番身彩，因為煲呔認真唔客氣，長毛大叫幾句反GST被人抬走，阿人食飯提最低工資立法又被煲呔話立場極左，咁嫻姐佢哋肯定忍唔住要求至少要為清潔及保安兩個行業訂最低工資喇，大家一言不合，真係難保王國興會同煲呔起先口角，繼而動武。
講兩講，鄺大狀忽然好冇心機，因為最近政府冇聲冇氣，氣壓甚低，施政報告分分鐘冇料到，你叫三子點可以提名煲呔連任，唔提名，中聯辦以至北京都會有壓力，真係進退維谷，左右做人難。