阿銘從事地盤雜工，數個月前判頭失蹤，除數千元尾數追不回外，他亦失去工作。阿銘之後嘗試找尋其他工作，但卻處處碰壁，家庭經濟陷入困境，現已拖欠三個月租金及水、電、煤氣費，無法繳付，近日他更收到房屋署的遷出通知書，他無計可施，迫不得已向蘋果日報慈善基金求助。
40歲的阿銘只有小學程度，投身社會後曾當過不少工作，包括酒樓雜工、跟車送貨、裝修工人等，近年則以當地盤雜工維生，雖然並非經常有工開，但尚可勉強維持生計。
可是三、四個月前，工程判頭突然失蹤，他之前工作應得的數千元工資，亦無法取回，令他頓時陷入困境。
多次求職未有回音
「我之前做嘢人工唔多，好少積蓄，冇咗呢筆錢，我真係失晒預算。我唔想靠政府，所以冇即刻申請綜援。我去搵其他工，但見完工都係叫我返去等電話，之後就冇回音。我老婆係泰國人，唔識廣東話，喺香港言語不通，都好難搵嘢做。」
阿銘稱，因為這幾個月來他完全沒有收入，除了無力應付基本生活開支外，亦欠繳過去三個月公屋租金，另外又拖欠水、電及煤氣等雜費。近日他收到房屋署通知，指他自7月起已沒有繳付租金，違反租約規定，故着令他遷出單位，阿銘收信後大感徬徨。
「我真係冇晒辦法，唯有打嚟蘋果基金，睇吓你哋可唔可以幫到我。」阿銘表示，他仍然希望可以盡快找到工作，然後自食其力。
蘋果日報慈善基金了解過阿銘境況後，已安排撥款9,000元，助兩夫婦繳付租金等欠費。
捐款編號：C2164