早前劉以達接受雜誌訪問時對拍檔黃耀明有微言，之後佢即刻被飛出軟硬演唱會，同商台關係陷於僵局。噚日佢終於獲商台「解封」，接受《叱咤樂壇》訪問，仲事先張揚會帶定朱古力沖喜，點知噚日佢兩手空空出現，阿達仲話之後商台有乜嘢宣傳佢都會幫手。至於達明一派同軟硬嘅crossover演唱會，阿達就改口風話都好有機會繼續做。