想要樓盤賣得好，𠵱家做地產公司都要搞好多噱頭。唔單只香港，就連大陸房地產公司都做埋一份，好似正在招股上市嘅盛高置地咁，就搵咗研究公司，對佢旗下「上海康橋住客會」，進行一項名為「上海優才看香江」的調查。探討上海中產人士，對香港及亞洲其他主要城市的生活質素評價，包括旅遊、居住、環境、教育等各方面。
唔單只做訪問，當中20名受訪嘅住客會會員，仲會以代表團方式訪港考察，藉以促進滬港交流。仲會喺今個星期日舉行新聞發報會。
屆時除咗公布有關調查結果，仲會安排是次訪港代表，講吓對香港嘅睇法。
之不過，佢哋就無緣見識吓，盛高喺香港掛牌嘅情況，事關盛高下月初先會正式喺主板上市。