最近Canon新出嘅單鏡DC400D，因為將一向用於高檔機嘅除塵系統，下放到入門級機種身上，令到好多人認識同了解其好處，不過CCD除塵會唔會成為日後單鏡DC必備功能呢？呢個問題就引起唔少網友爭論，首先就有反派出來話，覺得自己使用除塵工具比較有效，而且唔會加重機身；亦有人覺得入塵情況唔嚴重，寧願抽走佢平多一千蚊仲好！講講吓就開始變成兩大陣營Canon同Nikon之爭，事關Nikon並未內置有除塵功能，有人就估CCD除塵會係大趨勢，Nikon必定會喺07年推出內置除塵功能嘅機種咁話。其實高檔機功能下放到入門機可以預期，若然400D做法受到用家歡迎，其他廠商自然都會跟隨，就如當年Pan記力谷防震一樣。
記者：許福合
http://www.dcfever.com/forum/list.php?f=1