講起澳門，你會諗起賭業、澳門旅遊塔SkywalkX、樂隊組合Soler、又或者模特兒樂基兒……但有無諗過去澳門發展？
近年不少香港銀行積極擴充澳門業務，有網友建議，香港銀行僱員不如到澳門打工。《香港討論區－銀行業》嘅網友話，澳門銀行都會請香港人，但多數都係請管理層，不過如果涉及一些業務嘅部門，例如IT等，都應該可以一試；最特別嘅係，澳門假期「多到你笑」，只係返星期一至星期五，星期六、日已改為「雙休日」，而且未計公眾假期。
翻查剪報，原來澳門銀行公會早前亦決定實施5日工作制，本地銀行周六將不對外營業，周一至周五營業時間則增加半小時；銀行可自行決定是否在周六提供部份服務。各位想連休兩日嘅銀行界朋友，不妨諗諗佢？