銀行推行5天工作制，星期五去入票，排隊人龍勁打蛇餅，望見旁邊尊貴理財戶口短短嘅人龍，係咪只得個「恨」字？我夠唔夠「富貴」成為尊貴客戶？除咗唔使排隊，富貴戶口仲有乜優惠？
冇200萬 難成中銀尊貴戶
市面上，尊貴理財戶口一般要求的開戶金額，介乎80萬至100萬元，只有中銀要求達200萬元，門檻最高。另外，成為尊貴客戶，資產額要達到某個水平，若不足，分分鐘要支付數十以至數百元月費，例如花旗，要收取400元月費，一年下來就近5000元。
不過，每家銀行計算資產額的方式都有不同，大多數會以客人的存款、投資、股票等價值計算，只要每日平均值達標，便可豁免月費。若果你是擁百萬資金邊緣族，又是滙豐或恒生的強積金客戶，選這兩間行的富貴戶口會較化算；因兩行均會將客人的強積金計算在資產值內。
24小時專人服務貴客
開富貴戶口目的只有一個──方便，所以一般尊貴理財戶口除了有服務專櫃，大部份銀行都為這些客戶設24小時專人電話理財服務。
大嗱嗱百幾萬放定期收息都會高人一等，所以部份銀行的尊貴理財戶口，亦會向貴客提供額外的儲蓄/定期利率。
要開富貴戶口，首選荷銀「梵高理財」戶口，因荷銀新客於本月底前成功開戶，再購買基金產品，便可以享一個月68厘特惠高息定存，每百萬資產可存20萬定期，最高則為60萬，計一計，20萬一個月68厘，利息已經過萬，這份迎新禮品實際兼豪爽。