喺香港，「最低工資最高工時」嘅爭議，勞資雙方仍是水火不相容，但本港嘅中華廠商會，就一定程度上支持國內保障基層勞工嘅最低工資建議。
廠商會副會長羅富昌喺該會刊物《企業雄才》發表文章，話國內正推行嘅勞動合同法草案，可以適用於基層勞動者，因為較高薪嘅勞動者議價能力較高，目前在實施中嘅勞動法，已充份保障佢哋嘅利益。
至於何謂基層勞動者，該會認為，嗰啲唔超過當地每年公布最低工資兩倍，或低於平均工資嘅勞動者，可以界定為基層勞動者；而各地頒布嘅最低工資同平均工資，可以按當地經濟發展而變動，亦可以保障到呢班勞動者。不過，唔知廠商會又支唔支持香港推行最低工資呢？