買樓有很多問題要留意，但原來租樓也有不少要注意的地方，有「過來人」便在網上教路，與準租客分享租樓心得。自稱trouble的網友，在《新婚生活易》留言廣場上，就列出租樓要注意的7大事項。
保障條件租約列明
trouble指出︰1.要小心經紀，總之，唔好盡信經紀，要有自己立場同原則。2.價錢，可以上網睇下大概咩面積要幾多錢，可以有個預算。3.家電維修由邊個負責，最好喺租約寫明。4.要唔要電器同家具。5.如果係特別平租要小心啲，可能係……6.唔好心急，愈心急就愈易俾人催，睇多啲比較吓。通常經紀會由最好睇到最差嘅。7.最好有啲保障嘅terms寫喺租約。
trouble並補充︰「一定要清楚個單位有冇按揭，如果有，最好就叫個業主畀張銀行同意書你睇，不過我知好多都唔一定有，但當業主冇錢供樓時，銀行有權即時收樓！到時你連屋都冇得住！」
惟網友Alvin回應︰「這張證明，我都試過要求，但最後都失敗。我租過兩次樓，都冇見過一個肯拿張同意書給我睇。」
《地產王國》網友orange_biscuit同樣認為，要求業主出示銀行同意書，簡直難過登天：「理論上，為保障自身權益，租客要找有bankconsent的樓才好去租！但實際上，若租客有此堅持，他應很難找到樓，因香港的住宅租賃中，十居其九，都是沒有bankconsent的。」