泰國前晚發生軍事政變，由於當地局勢仍未明朗，早前中國大使館呼籲港人暫時不要前往曼谷，以策安全。無綫製作資源部副總監樂易玲前年南亞海嘯發生時身處寇立災區，前日她卻和藝人郭羨妮應泰國第三頻道邀請到當地進行親善訪問，二人目前仍身處曼谷。
原定昨晚返港
郭羨妮透過網絡傳送片段回港，她說：「今日嚟到泰國，之前一日呢度發生咗兵變，我之前都唔知乜嘢情況，都好驚，有啲擔心唔知會唔會混亂，今朝嚟到嘅時候發覺所有嘢都好正常，市面上都好平靜，我聽講呢度嘅人今日係唔使返工，為安全着想要留喺屋企度。我已經打電話返屋企叫媽咪唔使擔心，我會好安全咁返嚟香港。」
無綫外視部助理總監曾醒明昨日表示，已聯絡樂易玲及郭羨妮，二人原定會在昨晚返港，由於前晚二人未能外出拍攝，故此會順延至今日才返港。
此外，有線電視執行董事徐小明與太太李鳳鳴目前正身在泰國曼谷為電影《雙子神偷》做後期電腦特技，昨日已致電回港報平安。徐小明透露前晚在餐廳食飯時見食客突然走清光，返酒店才知發生政變，他表示希望今天能順利返港。
撰文：林妃