「天邊一顆閃星星。」Alan前幾晚同我唱呢首譚校長嘅《霧之戀》，然後畀咗張類似信用卡咁嘅卡我，就話：「我買咗一粒星，用你個名命名，呢張卡就係證明」我梗係冧啦。（雖然佢唱歌好難聽。：P）
我攞去同啲朋友威：「呢粒『shopping精星』仲有證書㖭。」正當我自覺係繼藝人李嘉欣後全城最得寵嘅女人時，Mark哥突然好cool咁話：「你男朋友俾人呃咗喇。」佢話身兼國際天文聯合會（IAU）成員、港大理學院長郭新同佢講過，呢啲公司100%係呃人，因為所有星命名都要經IAU批准，而所有收錢嘅商業理由都唔會批，就算現世政治強人如美國總統布殊都唔使旨意。
另外，年中發現唔少新星的林肯實險室亦都會將星星以傑出學生命名，好似陳易希星咁。
聽到呢度，我塊面梗係紅晒啦，亦都想即刻同Alan唱番句：「天邊一顆假星星！」
逢周一至周四刊出